ÑAAWOORE WARHOORE 1989 ÑAAWETAAKE!

 NGAASTOƊEN WARHOORE 1989-91

On Calminaama musiɗɓe tedduɓe. 

Hannde 23 jolal 2023 alaa konngol jeytiyanke mbela eɗen mbaawa ruttaade e aastaade konngol Makka mo tonngoode 02, neldaangu hanki les tiitoonde"Ñaawoore warhoore 89-91 ñaawetaake".  

On meeɗi yiidi barɗo ina ñaawa hoore mum? Alaa! Ko *TEKRUUR* waawi noddude *Trab El Beidhan* sariya adunuyankeewal. Ɗuum naamni ko JEYTAARE MEN taw, ko ndeen dendaangal leyɗeele keɓtinnta leydi men TEKRUUR, haala men yotto ONU, CPI,...

Bandiraaɓe,

Wona ŋakkere ñaawoore nde hulaa, warhoore wonnde ina waawi waɗtude e kala waktu, ko be jogitiibe, ngemmbaabe haa tiiɗi (Franse, OTAN, leyɗeele aarbeeɓe).

Ndeentoɗen hade men betteede laawol gonngol, kirseeɗen no 1989. So konu leydi ndi ina heddi e juuɗe maɓɓe, ko ɓe jokkooɓe waɗde ko ɓe mbelaa, eɓe ngondaaka haala Alla e nelaaɓe mum, alaa ko haali sariya suudu sarɗeeji walla ngooroondi Trab El Beidhan. Ko ɓe pewjata ko, winndee, waasa winndeede, yamiree, waasa yamireede, maa petelaaji État-major e ndool-ndoolaagu bees Gazwaani njawtina ɗum. Leyɗeele men ko teeteteeɗe. Duɗe men mbonnaama. Gure men maa pusi. haɗaaɓe kayitaaji maa taccu walla taccinee. Worgo ko yejjit'tee e eɓɓooje mawɓe konu Nuwaasit...mati eɗen mbaawi gaynu limtu musibaaji jottiiji e gariyooji? Alaa!

Hare men koy jeytaare waɗtinntoo, waɗde puɗɗorɗen ɗoon gila eɓe pellitaani waɗtude ko waɗnoo 1989.

KONNGI KEBLETEEƊI:

DEWGAL INA DAGII, CEERGAL INA DAGII!(3)

BOJJI NGASII GILA CEERGAL YANI!(4)

SAA MIIJIIMA JEYTAARE TAN A JEYTII HOORE MA(5). Wayi kon keeri TEKRUUR ndiidaama, aan doganat oto nguurndam ma, wonaa Soldeteeɓe e wallidiibe njogii mburu kashtaari ma.

WASSIYA : 

Gooto e men fof yoo jogo Deftel mum ina winndaa heen kala konngol makka kesol haa timma 66 konngi. So en ɗigginiide njaŋginen tekruurnaaɓe woɗɓe. ko noon awdi makka sarirtee haa daande wootere, ndeen mbaawten soñde law butaali... JEYTAARE! 2030!  

Makka ina jogii 140 konngi, kono hedde 70 ina yona men njogitaari ngam rimɗinnde Tekruur wuro e wuro. Min kaabata, min ndartinta haa poolgu laaɓ-ɓe, laɓɓinooɓe goonga, suurtooɓe gacce tooñooɓe. 

Mbaɗten Eeɓol Amar! 

Hare ko jokki haa...JEYTAARE TEKRUUR !

✍️23/11/2023

23ɓiijo baɗaaɗo yarga to INAL ko Sammba Bookar SUMAREE. Yoo Geno yurmo yaafoo waraaɓe haa leydi wojji coy INAL, JREYDAA, AZLAAT, SORIMALE, WALATAA...

MAKKA•مكه•MAÏS 🌽

📩mais.maurisud@gmail.com

🌽Dillere Ediiɓe ngam Jeytaare Worgo leydi Moritani (TEKRUUR)

حركه الاصليين لإستقلال جنوب موريتان (تكرور)🌽

🌽Mouvement des Autochtones pour l'Indépendance du Sud mauritanien (TEKRUUR) 

WIDEYO 2: WARHOORE SOKLAANI SARIYA (pas besoin de loi pour faire un autre génocide). Keɗoɗee laawol gonngol oo wideyo 2 doftunooɗo "WARHOORE 89-91 ŃAAWETAAKE", konngol jeytiyanke MAKKA, mo tonngoode 2:

https://youtu.be/ECwn4wDwpa0?si=hKLHNrJCwAXUsX38